Հոտերը կօգնեն լավացնել վերքերը. 1in.am

Գերմանացի գիտնականները մարդու մաշկի վրա հոտը զգալու ընդունակություններ են հայտնաբերել: Որոշակի հոտերի հետ շփումը ստիպել է բջիջներին կիսվել ու տեղափոխվել: Այս մասին հաղորդել է New Scientist կայքը՝ հղում կատարելով Journal of Investigative Dermatology ամսագիրը:

Մարդու քթում կա ավելի քան 350 ռեցեպտոր, որոնք տարբեր հոտեր են ընկալում: Նմանատիպ բջիջներ կան նաև ներքին օրգաններում, բայց դրանք հայտնաբերել և ուսումնասիրելը դժվար է: Այդ պատճառով Հանս Հաթթի լաբորատորիայում որոշել են ուսումնասիրել, թե ինչպես են հոտերին արձագանքում էպիդերմիսի (մաշկի վերին շերտի) բջիջները:

Գիտնականները պարզել են, որ սանդալորի բուրմունքը կապվում է OR2AT4 ռեցեպտորի հետ, բայց այն ազդանշաններ չի ուղարկում ուղեղին, այլ ստիպում է էպիդերմիսի բջիջներին բաժանվել ու տարածվել:

Սանդալորի և բջիջների շփման հինգ օրվա ընթացքում բջիջների բաժանման արագությունն ավելացել է 32%-ով, իսկ տեղափոխման արագությունը՝ գրեթե երկու անգամ: Դրա հետ մեկտեղ, բնական յուղն ու տաս արհեստական փոխարինողներից յոթը ոչ մի արդյունք չեն տվել:

Հաթթը զգուշացնում է, որ մինչև նրբաքսուքների մասայական արտադրությանը դեռ շատ ժամանակ կա, սակայն քթի մոտ հայտնաբերված ավելի քան 150-200 հոտառության ռեցեպտորները բժշկական հետազոտությունների համար մեծ հնարավորություն են տալիս:

Հարցեր, պատասխաններ, մեկնաբանություններ